عــــ مبارك ــيـدكــم

عــــــيــــدكـــم مــــبــــارك

وكــــل عــــام وانــــنـــم بــــخــــيــــر

اليوم اولمبي باجر شنو ؟!

مؤسف بصراحه اللي شفناة امس في حفل افتتاح دورة الألعاب الآسيوية واللي صار فيه هل لهذي الدرجة احمد وطلال يبون يذلون الكويت علم راحت بالدفاع عنه انفس واستشهد له خيره شباب الكويت للدفاع عن ارضه وكان واولهم ابوك يا احمد فهد الاحمد والله العظيم عيب الحين عرفنا تصريح احمد الفهد موتوا قهر فعلا متنى قهر يا احمد ولكن ان لم تستح فافعل ماشئت مو لازم يا احمد تشارك وانت موقوف ليش تبي تشارك علشان تذل بلدك وتحقر فيها يا احمد ولا علشان تاخذ جم ميدالية وتقول حق اللي اعلى منك شوفوا احنا سوينا مع الايقاف !!

هذا موفخر يا احمد هذا ذل حق الكويت وعلمها وشعبها انا مادري مافيه حكومة توقف احمد وطلال عند حدها مافي حكومة تقول لهم عيب اللي قاعد يصير انا مع الاخ المدون le Koweit يوم قال حكومة الكويت ليست كويتية نعم فعلا لانها لو فيها ذرة من الوطنية ماترضى باللي حاصل من مهازل و ومنها هذي المهزلة القذرة واللي تدل على محاولة اذلال البلد باي طريقة كانت وعلى حساب مصالح وتكسبات شخصيه ؟!

اتمنى وياريت والله بما انه الحكومة رضت ان يشاركون ابنائها تحت علم غير دولتهم وتحت المظلة الاولمبية يكملونها ويرضون ان نكون تحت مظلة اي جهة دولية تعين لنا اعضاء حكومة يكونون قد مناصبهم ومايفرطون بكرامة دولتهم على حساب مصالحهم وتلميع نفسهم ؟!

ووينك تو الناس ياصالح صباح الليل توك تدري انهم رايحين ومنصدم سلامتك من الصدمة حروبكم انتوا وطلال هالمره تعدت مرحلة تخريب الرياضة الا صارت ذل الكويت واهلها وحط كرامتها صرح ياصالح انت كلام بس تبيعه مو خسران شي من كثر ماصرحت باستجواب الرياضة صرت فاقد المصداقيه بشكل كبير وحتى المينون ماقام يصدقك انت ومرزوق اللي مستعد يبيعك بارخص من التراب باقرب عرض يتقدم له !!

ولادة دستور

نحن عبدالله السالم الصباح
امير دولة الكويت

رغبة في استكمال اسباب الحكم الديموقراطي لوطننا العزيز وايمانا بدور هذا الوطن في ركب القومية العربية وخدمة السلام العالمي والحضارة الانسانية .
وسعيا نحو مستقبل افضل ينعم فيه الوطن بمزيد من الرفاهية والمكانة الدولية ويفي على المواطنين مزيدا كذلك من الحرية السياسية , المساواة والعدالة الاجتماعية , ويرسى دعائم ماجبلت عليه دعائم النفس العربية من اعتزاز بكرامة الفرد , وحرصا على صالح المجموع , وشورى في الحكم مع الحفاظ على وحدة الوطن واستقراره ,
وبعد الاطلاع على القانون رقم 1 لسنة 1962 الخاص بالنظام الاساسي للحكم في فترة الانتقال ,
وبناء على ما قررة المجلس التأسيسي ,
صدقنا على هذا الدستور واصدرناه .
صدر في قصر السيف في 14 جمادي الاخر 1382هـ
الموافق 11 نوفمبر 1962م

امير دولة الكويت
عبدالله السالم الصباح

اهنئ ابناء وطني وشعب بلدي العزيز في يوم ذكرى صدور وولادة دستور منذ 48 سنة حفظ لهم ول ابناءهم واجيالهم اللاحقة حقوقهم وواجبات الدولة تجاههم وجعلها على رغم مايدور بها من صراعات وتمر بها سحب وغيوم سوداء من افضل الدساتير في المنطقة .

اتمنى قراءة هذا الكتاب الصغير في ذكرى هذا اليوم العزيز على جميع الكويتيين ومعرفة ماذا دار في جلسات المجلس التاسيسي وكيف عانوا الاعضاء المؤسسين للكيان الدستوري والبرلماني من المشاكل و الصعوبات في اقراره واصدارة .



حفظ الله دستور الكويت من كل مكروه ومن اعدائه المتسبين تحت مظلته واعدائه من المريدين باسقاطة منذ بداياته الى اليوم .

الكارجو ربيته ناقصة .

الجنرال الكولونيل اللفتانت قائد معركة النورماندي المهيب الركن أمر كتيبة الكاميكازي الحكومية في المجلس سابقا ناصر كارجو طلع علينا في برنامج تو الليل يوم الخميس اللي طاف وقال بصريح العباره ان الكويتيين افتحوا بلاد فارس وماوراء النهرين والعراق والبحرين وحطو الراية بكل مكان يغزونه من هذي الاراضي ؟!

اف طلعنا غزاة سابقا واحنا ماندري اشوف ليش العراق وايران حاقدين علينا ليش !!!




حسسني ان الجيش الكويتي كان بقيادة نابليون بونابارت والله !!!

نصيحة مني حق اخوه مبارك الاخونجي العتيد ودي اخوك الملجأ لانه بصراحة ربيته ناقصة (1) والريال مخه منسم على الاخر ويبيله تضبيب !!!

(1) ربيته ناقصة : تعني شحص مخه مفوت ومجنون وعلى قد عقله .

دبلوماسي التناقض !!!

التصريح الاول : وأعاد السفير المالك في تصريح خاص لـ الان التأكيد أن تواجده أمام مقر قناة سكوب كان بتوجيه من وزير الديوان الأميري الشيخ ناصر صباح الأحمد من اجل تهدئة الامور وأضاف بأنه لو لم يكن موجودا في تلك اللحظة لحدث مالا يحمد عقباه.

المفاجاة الكبيره تجمع في ديوانية بعد حادثة حرب المافيا والعصابات وهذا التجمع حسب قانون الداخليه اللي فصلته مايعتبر مخالف لانه مو حق مواطن عادي ؟!

اعترف اعتراف مبطن وبتناقض وااااااااضح كأنه نسى مع التصفيق وتشجيع الجمهور اللي عاوز كده انه اول مره مصرح ان دورة ووجوده للتهدئة فقط !!!

انت خليت فيها قانون ياقدوة يادبلوماسي الله يعينا على الايام اليايه ؟!

==============================

اتقدم باحر التعازي القلبيه للكويت واسرة الفقيد الفنان غانم الصالح رحمة الله واسكنه فسيح جناته وفعلا فقدنا احد الرعيل الفني الاول وعملاق من عمالقة الفن الكويتي ياما امتعنى وعطى الكويت ورفع رايتها وكان خير سفير فني لها باخلاقه الراقيه وفنة البعيد عن الاسفاف رحمك الله يابوصلاح .

التالي NEXT !!!

بعد سالفة وزير الدفاع والشليمي والبلبله والتراشق اللي صار والتذكير في احداث الماضي من عشرين سنه واللي وراها اطراف مستفيده بشكل كبير !!!



امسينا على فضيحة ثانيه كبيره وهي سكوب والمالك واحد يفاخر في امجاده واوهامه والثاني مجروح من سنين واحد استخدم مفردات ناريه جدا وفرقعات فاضيه والثاني استخدم اسلحة ناريه واسلوب الغابه وحرب العصابات والعراب دبلوماسي كبير المفروض اسمى واكبر من هذي الحركات الصبيانيه !!!


في الاول حطوا البدو والحضر في الواجهه وخلوها تشب بينهم حرب قبليه عنصرية ووصلت الحرب مداها واثارها باقية ومتمثله في كل مكان ومنها المناصب القياديه وغيره , وبعدين حطو الشيعه والسنه وسوها حرب طائفيه نارها للحين شابه وموراضيه تخمد بشكل نهائي , والحين خلص ضرب مكونات المجتمع وتفتيته وصار اللعب مكشوف بشكل كبير جاء وقت الالتفات للشيوخ وبداو بضربهم ببعض ( الناصرين ) , وضربهم مع فئات المجتمع مثل ماصار من فتره مع الشليمي والمبارك والحين ردت تكررت مع سكوب والمالك !!!



واللي يقراها من كل الجوانب راح يعرف انه شي مرسوم له ومبيت النيه عليه عدل من فتره طويله !!!



برايكم منو التالي من الشيوخ اللي راح يفتحون عليه التاريخ واخطاء الماضي علشان تكتمل اللعبه اللي للاسف ماشي وراها الاغلبيه وقاعد يطبل لها بدون وعي وادراك بخطورتها ؟!

وزير الفستق والمعازيب !!!

كلمن ياخذ امي يصير عمي هذي المقولة طبقها وزير الفستق روضان الروضان حرفيا في تصريحه الاخير ضد المرشح الفاشل خالد الشليمي وتعرضه للنائب الاول ووزير الدفاع وتذكيره في انه بيوم من الايام وقف في وجه الصامدين من الشعب الكويتي ايام الغزو العراقي وقولة ان الصامدين خونه !!!

علي اي اساس واي ماده في الدستور يالروضان صرحت ان النائب الاول رمز لا يكون على المادة 54 من الدستور اللي عطت الحصانه والرمزيه لسمو الامير وحده من دون سواه او لا يكون شايفنا مدمغين وشعب مساح جوخ مثلك كل ما مسك احد رئاسة الوزارء قلت له انت عمي وعم الكل !!!

الظاهر مع الوقت راح ترجع الحمله القديمة وهي اضافة الخطوط الحمراء والرمزيه حق اللي تبيه الحكومة وبجميع اشكال القمع للاسف صارت الكويت بلد الخطوط الحمراء والله يستر من اللي ياي !!!

================================

نيي على موضوع معرض الكتاب واللي تكلموا فيه اخواني المدونين وماقصروا لي متى يتم مصادرة الراي ليش هذا التخلف اللي حاصل عندنا ويبون يرجعونا لزمان مصادرة الحريات وانا حر في اللي اقراه محد له رقابه علي او على اللي اقراه ومالوم المثقفين اللي امتنعوا عن المشاركه في معرض مسلوب الاراده والفكر معرض المفروض يبيعون فيه قرطاسيه وكشاكيل وبرايات ابرك من انه يكون مناره ثقافيه للاسف الحكومة بدات من فتره تحابي الاسلاميين وغيرهم من دعاة التخلف على حساب الثقافه والعلم !!!

===============================

كل الشكر للقائمين على حملة خلوها تخيس واعلن تضامني معاكم واشد على ايدكم وادعوا الكل الانضمام لهم والمقاطعه عندي بدات من شفت سعر كرتون الطماط وصل 5 دنانير وشفت كرتون الثوم وصل سعره 2.5 دينار !!!

واتمنى المقاطعه تشمل حتى المنتجات الاستهلاكيه اللي سعرها صار نار ويحرق جيب ارباب الاسر اللي كل يوم تيهم صفعه جديده من الحكومة الضعيفه ووزير تجارتها السيد ماري انطوانيت الهارون وتصريحاته اللي لاتغني ولا تسمن من جوع !!!

احذري ياحكومه وياوزير تجارتها فا الشعوب دائما لاتثور الا عندما يقترب أحد من لقمة العيش فهذا هو الخط الأحمر ومصطلحكم الجديد السكين وصلت للعظم بدا ياكل الشعب والمواطنين بسبب التجار وجشعهم واطماعهم في رواتب الناس عدت مرحلة العظم وبدات تبتر اللحم والاعضاء ....