الخميس، 21 يناير 2010

الحكومة مكبره المخده .....!!!


الحكومة لم تحضر المداولة الثانيه من جلسة المعاقين ورفعت الجلسه لعدم حضور الحكومة

وقبلها الحكومة لم تحضر جلسة البدون سوا باربعه وزراء لزوم التقزيره

والاهم من هذا كله الحكومة لم تحضر جلسة التنمية اللي تتغنى فيها وتعلج فيها كل يومين واللي حلت مجلس الامه ثلاث مرات بسببها

طبعا مالوم الحكومة على عدم الحضور بالعكس مستانس حدي لانه الحين انعرف منو معطل التنمية اللي كانت تتباجى عليها 24 ساعة

بس بين اللي قاعد يصير هذا كله ابي اعرف لي متى راح تستمر الحكومة بالغياب عن الجلسات وسياسة الزعل مثل الطفل اذا المجلس ماخذا برايها ...!!! ترى هذي السياسه ياحكومة ماتبني وطن ولا تنقذ وطن هذي السياسة تبين ضعف وعجز الحكومه عن ادارة البلد ...!!!

نيي على وزير الداخليه المبجل العريفي ممنوع من دخول الكويت العريفي موممنوع العريفي ممنوع ارسالك على بر سيادة الفريق خلينا نرتاح صارت تصريحاتك عن المنع والسماح مثل حراج السيارات منو يزيد ...!!!

الحين ممنوع ولا لأ ....؟؟؟

بعدين معالي الوزير الموقر سؤال هل وزارتك وعقيدها الصبر نايمين عن ماتنشره الصحف من كشف لاسرار امن الدولة والله ملينا واحنا نتكلم عن الوزارة وعن انها صارت اعلامية اكثر من وزارة الاعلام نفسها اللي وزيرها نايم في العسل حتى ركبتيه و يوم قعد من النوم متاخر نفس كل مره كل همه ضرب الدستور والتضييق على الناس وفوق كل هذا الطنازه على الصحفيين ...!!!

نيي على موضوع العريفي ولو اكتب رايي فيه صراحه فيه ناس وايد راح تزعل بس بصراحه العريفي من موقفه من صدام وترحمة عليه وانا قايل عليه العوض ومنه العوض . والمصيبه انه يقول لحد يصنف الناس ويكفر الاخر واهو اول من كفر غيره وهذي المصيبه الكبيره ليش التناقض ياشيخنا الكريم ...!!!

وبعدين مو من حق لا العريفي ولا اي شخص غيره انهم يكفرون اي مسلم وانت ياشيخ دورك داعيه فقط ليبش تدخل في امور الافتاء و الدين السياسي وعن نفسي ضد المنع حياه الله باي وقت بس اتمنى منعه عن الخطابه في الكويت لانه محنا ناقصين احد يكفر الثاني البلد فيها اللي يكفيها من طائفية وفتن و اللي قبل لا نشوف شيوخ الاعلام من الصوبين ماكنا نعرفها بس الله يسامح اللي كان السبب واللي قاعدين يتفرجون على البلد قاعده تتقسم وكالمعتاد سياسة المخده واللحاف.....

اعتبرموضوع العريفي والله اخذ اكبر من حجمه وقاعد يسبب فتنه طائفيه شكبرها . اتمنى الله يحفظنا من تبعاتها لانه كل يوم واحد طالع لنا بتصريح طائفي اكثر من الثاني واولهم مسيو حسين القلاف ومسيو محمد هايف ملوك الطوائف والميكرفونات والتصريحات المولعه ...