الخميس، 17 نوفمبر 2011

أربعاء القمع و القبح



الأربعاء 16 نوفمبر

كان يوم طويل وبه من الفخر بانتفاض الشباب للدستور وحمايته من عبث الحكومه واعوانها حماية العقد بين الحاكم والمحكوم حماية شرعية الدستور واللي للاسف ابت الحكومه الا ان تجعله يوم مأساوي بتعرضها لمسيرة الشباب المتوجهه لمنزل سمو رئيس مجلس الوزراء ولا ادري لماذا هذا الخوف والحساسيه ياسمو الرئيس من وقوفهم امام منزلك ومطالبتهم برحيلك أليس هذا من العمل الديموقراطي الذي ينص عليه الدستور اللي بجيب سموك والا اللي بجيب سموك مسحت منه بعض المواد ؟!

سواء اتفقت او لم اتفق مع المسيره لكن هذي المسيره لحسن الحظ كشفت الوجه القبيح الكامل لأدوات الحكومه القبيحه واللي بنظرها ترهب شعب حر كل ذنب ارتكبه خروجه لايقاف الحكومه ونوابها من القبيضه والمرتشين بائعين ضمائرهم عبادة الدينار والسحت !!


لا اعرف ما الفائده من مواجهة الشعب بأدوات القمع فا القمع لو كان يفيد لا أفاد بعض دول المنطقه والتي اهتزت صورتها امام الراي العام العالمي وضرب مصداقيتها امام مؤسسات المجتمع الدولي دعوا الشعب يعبر عن رايه حتى لو كنتوا لا تريدون الاذعان لمطالبه فا ضربه ياحكومه هي بداية الشراره لاعمال وامور لايعلم بها الإ الله وحده هل لحماية فرد فشل في ادارة الحكومة يضرب عشرات المواطنين ماهذا الرخض الذي وصلنا له في اعين السلطه !!!


ياحكومه نعم نحن في عيونكم رخاص وبلا قيمه وفي اعين انفسنا وفي عيون وطننا الكويت اغلى الاثمان لا ننتظر اشاده منكم فانتم فاقد الشيئ الذي لا يعطيه .


كلمه لمنظرين تويتر : اتمنى على كثر ما تكتبون انتقادات وتذمون غيركم بيوم تطلعون وتقولون رايكم بدال كل واحد مكبر المخده ويتويت عيب والله هذا الاسلوب الجبان اللي تستخدمونه اسلوب هابط في الوقت التي كنتوا تنتقدون بتويتر اخوانكم ينطقون في الاراده ومنهم من حضر بس للتجمع ومو علشان للمسيره حضر ليعبر عن رايه ورفضه للعبث بالدستور فقط وانتوا طايحيله شماته وزين تسوون فيهم وكلام فاضي خلاكم بموقف واحد وهو خانة المفلسين والهوامش اللي هدوا كل اخطاء الحكومه وركزوا على موضوع اقتحام المجلس !!

هذا مخطط لتجمع امس وكيفية محاوطتنا من قبل القوات الخاصه والامن العام وضربهم مربع امني علينا وماخلونا لا نطلع ولا ندخل بعد انتهاء التجمع حتى اللي كان ماله شغل بالتجمع وكان يتمشى على البحر انطق وماخلوه هم يطلع وفوقها حدو التجمع يدخل مجلس الامه خوفا من التكمله عليهم وللعلم كانت ابواب المجلس مفتوحه تقريبا موشي غريب ؟!


ملاحظة : الوقت الامانه الى وقت خروجي من ساحة الاراده بعد فتح الحاجز وقت اقتحام المجلس !!