السبت، 28 أغسطس 2010

وزير القز ....!!!




كان يامكان في قريب الزمان وزير شاب النشا ما يفارق السبعه كان قاعد مع الربع في الديوانيه و فجاة انتفض واحد من الربع اللي يمونون عليه (وياكثرهم والدليل نقلهم نصهم مدراء في وزارته واهم شهاداتهم متوسطة وطايح حظهم في وزارة الشئون) وقعد يضغطه وزير ماعنده الا سيارة وحده متبرعين له فيها مجلس الوزراء عصب سيادة الوزير الشاب وطلع من الديوانيه متنرفز وكالعاده دق على اخوه الفتوة مرهب الصحافه وطقاق الصحفيين وقاله شلون انا وزير وبس عندي سياره وحده وين اودي ويهي من الربع وانا ولد فلان ..!!



في الصباح التالي وجه دعوه لجميع اركان الوزارة من وكيل ووكلاء مساعدين ومستشارين وطبعا لايسعنى ننسى اخوه علشان يكمل الاجتماع وتم طرح هذا الموضوع والقه خطبع عصماء عن الظلم الواقع عليه و في الاجتماع وتقرر انشاء لجنة تهتم في ايجاد حل للوزير اللي ماعنده غير سياره وحده ..!!!

وخرجت اللجنه في توصيات مصيرية ومهمه تاثر في مسيرة البلد التنمويه وترضي طموح الوزير الشاب اللي نفسيته تعبت من ضغاط الربع ...!!!

وكان قراراها كالاتي :

استئجار سيارة رنج روفر لقز الوزير الشاب بايجار شهري 1300 دينار لمدة عشرين شهر باجمالي مبلغ التاجير عن طول الفتره 26 الف دينار ..!!!

وطبعا اشتغل الترقيع شلون نلف على القانون والوزير عنده سيارة من الاساس ؟؟ قاموا ورقعهوها مع عقد تاجير السيارات الاساسي للوزارة والزقوها بظهر العقد ...!!!

طبعا محتسب ديوان المحاسبه بعد فترة طوييييييييله من السبات العميق قام وشاف بلوه جدام عينه ورد عليهم .

الريال نيته طيبه بس حذر ماسوى اي شي ما حولهم للنيابه على لطش الوزير مبلغ 26 الف دينار لزوم الكشخه والقز لا بس حذر وقالهم ياريت تتقيدون في قرارات مجلس الوزراء في المره اليايه واذا ما التزمتوا ماتشوفون شر عادي نطوفها مره ثانيه ...!!!

وتوته توته خلصت الحتوته والوزير قاعد يقز الحين في الرنج وحاط الربع ورى وما قام احد يعايره او يضغطه ...

الجمعة، 27 أغسطس 2010

بوسند امين عام التحالف القلابي الديماغوجي ...!!!!

بصراحه للحين منصدم من الخبر والصور ...!!!
وين كلمتك ياخالد لي وطن اليت الا ان ابيعه وين كلامك وقت الافراج عنك وانك ماتخاف ولاراح تهاب قول الحق !!!
اغلب الناس كانوا عاقدين للاسف ياخالد عليك الامال وانك صاحب كلمة حق وفعل وماراح بيوم تحط ايدك بيد ناصر المحمد !!!
الظاهر ياخالد العشر ايام اللي نمتها في السجن العمومي غيرت مفاهيمك وغيرت مفاهيم ربعك ربع التحالف القلابي الديماغوجي والله العظيم ياخالد انه
محمد عبدالقادر الجاسم على تاريخه الاسود واللي على قولتكم مايطهره ماي زمزم يبقى اشرف منكم بوايد تدرون ليش لانه انسجن اشكثر ونفس ماهو ماغير موقفه
وعليه قضايا بالهبل ولكن مازال على موقفه وماهزته الفتره اللي نامها في المركزي مو العمومي !!!
الكل بعد ماطلعت ياخالد من فتره واهو يسال وينه اختفى بس الحين عرفنا ليش اختفيت علشان تطلع لنا فجاة مع اللي قطك في السجن واهو نايم في سويسرا مستانس !!!
خساره فيك وقفت المدونات وياك و استنفارها خساره فيك وقفة الشارع وياك خساره فيك كل اللي قالوا فيك هذا الاسد القادم !!!
اتوقع شعارك القادم كلمة مسلم البراك (( لي وطن عزمت ان ابيعه ))
الله يهينك بصحبة سموه ونبي نعرف شنو الثمن ياخالد ؟!