كان يامكان في قريب الزمان وزير شاب النشا ما يفارق السبعه كان قاعد مع الربع في الديوانيه و فجاة انتفض واحد من الربع اللي يمونون عليه (وياكثرهم والدليل نقلهم نصهم مدراء في وزارته واهم شهاداتهم متوسطة وطايح حظهم في وزارة الشئون) وقعد يضغطه وزير ماعنده الا سيارة وحده متبرعين له فيها مجلس الوزراء عصب سيادة الوزير الشاب وطلع من الديوانيه متنرفز وكالعاده دق على اخوه الفتوة مرهب الصحافه وطقاق الصحفيين وقاله شلون انا وزير وبس عندي سياره وحده وين اودي ويهي من الربع وانا ولد فلان ..!!
في الصباح التالي وجه دعوه لجميع اركان الوزارة من وكيل ووكلاء مساعدين ومستشارين وطبعا لايسعنى ننسى اخوه علشان يكمل الاجتماع وتم طرح هذا الموضوع والقه خطبع عصماء عن الظلم الواقع عليه و في الاجتماع وتقرر انشاء لجنة تهتم في ايجاد حل للوزير اللي ماعنده غير سياره وحده ..!!!
وخرجت اللجنه في توصيات مصيرية ومهمه تاثر في مسيرة البلد التنمويه وترضي طموح الوزير الشاب اللي نفسيته تعبت من ضغاط الربع ...!!!
وكان قراراها كالاتي :
استئجار سيارة رنج روفر لقز الوزير الشاب بايجار شهري 1300 دينار لمدة عشرين شهر باجمالي مبلغ التاجير عن طول الفتره 26 الف دينار ..!!!
وطبعا اشتغل الترقيع شلون نلف على القانون والوزير عنده سيارة من الاساس ؟؟ قاموا ورقعهوها مع عقد تاجير السيارات الاساسي للوزارة والزقوها بظهر العقد ...!!!
طبعا محتسب ديوان المحاسبه بعد فترة طوييييييييله من السبات العميق قام وشاف بلوه جدام عينه ورد عليهم .
الريال نيته طيبه بس حذر ماسوى اي شي ما حولهم للنيابه على لطش الوزير مبلغ 26 الف دينار لزوم الكشخه والقز لا بس حذر وقالهم ياريت تتقيدون في قرارات مجلس الوزراء في المره اليايه واذا ما التزمتوا ماتشوفون شر عادي نطوفها مره ثانيه ...!!!
.jpg)
وتوته توته خلصت الحتوته والوزير قاعد يقز الحين في الرنج وحاط الربع ورى وما قام احد يعايره او يضغطه ...
هناك 9 تعليقات:
يحليله خوش وزير
26 الف بس؟
والله قنوع هاااا :)
لو كويت
مسكين على قد حاله القناعة كنز لا يفنى :)
وزارة الكرهبا على قولة اخينا عضو مجلس شعراء العبط تحتاج ان الواحد يكشخلها فما بالك بالوزير
ليش حسوووود انت :))
ياخووووي انا وياك الرانج مالنا بالآخره
احنا ما نبي الدنيا (( كلام فقاره ))
تقبل مروري الاول يالحبيب
زنيفر يدري عن الموضوع و الا لأ
مشاكس
يامعود في الاخره لو لادا راضين لوووووول
وحياك ياخوي بكل وقت ولاتقاطع وسرني مرورك
بووليد
زنيفر حاليا قاعد يفتر داخل محولات الكرهبااا بس تصدق لو يحطونه بدال الوزير يمكن تلاقي شوية انجازات لانه يحب يركب اللمبات بروحه
شوووف يا معود هذي مالت تجار بس اللادا مالت فقاره خربت على يا معود
بعدين الفلوس و المظاهر وصخ دنيا (( يازينه من وصخ ))
تحياتي قمت اخوووووره :)
ترى الادا منها فوايد كثيره والدليل شوف المصاروه هابين فيها واهم مايهبون بشي خالي بلاش يطلعون دين دينه
الظليمة شينه أول أمس شايفة بالبي أم الأبيض.
إرسال تعليق