قال رسول الله صلى الله عليه و سلم : "انها ستكون سنون خداعات .. يخون فيها الأمين ويؤتمن فيها الخائن .. ويكذب فيها الصادق .. ويصدق فيها الكاذب .. وينطق فيها الرويبضة .. قالوا وما الرويبضة يا رسول الله ؟ قال : الرجل التافه يتكلم فى أمر العامة
هذا الحديث الشريف القدسي ينطبق بكامل مافيه على مبارك مشخص البذالي الذي يدعي انه متدين وهو من التكفيريين المعروفين والدين براء منه ومن امثاله ماله اي صفه دينية او علميه شخص غير تطبل جريدة الوطن له غرر في شباب منطقة الصليبيخات الصغار واقنعهم في الجهاد في افغانستان والعراق ولما راح ولده العراق للجهاد بدون علمه زرع ماحصده مع عيال الناس وتغريره فيهم وقام يبجي عند الحكومة يبي ولده !!!
قضايا الدنيا عليه وكلها امن دولة يحجزونه يومين ويطلعونه بالتعهد والاقرار , فضح وهدد السفير اليمن , عرض علاقات الكويت الخارجيه للخطر , غرر بشباب بعمر الورد وجندهم وطرشهم على قولته ساحات الجهاد , ودوره في تدريب ناصر خليف الارهابي , راح شكل له جماعة امر بالمعروف والنهي عن المنكر في مسجد قطعه 3 في الصليبيخات وقام يلاحق خلق الله ويسوى نفسه مصلح ونسى تاريخه اللي يعرفونه اهل الصليبيخات كلهم ... !!
انسان مريض منافق لأ قصى درجه راح حق المهري وحط ايده بايده وهاتك ياتصريحات الحين صرت ضد الشيعه وانت اللي كنت تتمسح في عباية المهري علشان تكسب شيعة الصليبيخات ... !!!
من يومين الاخ منزل له مقطع صوتي يهدد الشيعه ويسبهم في افضع الالقاب تناسى انهم اخوه في الدين وانه كثير منهم عايش على هذي الارض قبل لا يطلع اهو وغيره من جماعات التكفير الخاسره اللي بنتها وتبنتها الحكومة واخرتها انقلبوا عليها والحمد الله واتمنى كل يوم ينقلبون عليها علشان يمكن تتعلم بيوم ..!!!
الفتنه كل يوم قاعده تزيد والحكومة ووزارة الداخلية في سبات عميق مادري متى توقف هذي المهازل والله ملينا وسكتنا وايد عن كل هالمهازل امس ياسر الخبيث واليوم مبارك البذالي لي متى ياحكومة قولي ...!!!
هناك 8 تعليقات:
والله ياخوي الحالة مزرية
تقضب منو
وتخلي منو
كلش الوضع مو خوش
تحياتى الحارة
تقبل الله طاعتك وعيدك مبارك
عزيزي الرايه
الفتنه صارت مثل السوس الي ينخر بالضرس
وياخوفي لي رقل الضرس وقتها بيفوت الفوت
والمشكله حكومتنا عاجبها العرض المسرحي
مابين مهري وياسر الخبيث طلعلنا مبارك
مدونة الراية الفاضل
اهم مقطع من قال :
( لابد أن يقتل حتى لو يتوب )
من سمعت هالكلمة عرفت إنه الله بالخير بالدين :)
للأسف الشديد هناك قيادات تستمتع بما يحدث لغرض أيضا سياسي ولكنه غرض نجس ؟
يريدون تدمير الكويت إلى أقصى درجة فالفوضى تضرب أطنابها الأرض والهيبة بالمشمش والفساد وصل إلى كل أركان وزاراتنا وهيئاتنا حتى وصل بنا الأمر أن نعلم ونرى ونشاهد معازل وفساد مسؤلينا وكأن على رؤسنا الطير ؟
صدق من قال عنا قوم مكاري !!!
الله يستر من اللي ياينا بس
تحياتي عزيزي
احسنت على المقال اخي الكريم
بارك الله فيك و الله يطهر بلدنا من أمثال هذا المسخ
تحياتي
panadool
نهائي والله ياخوي الحكومة مسكره عينها وموقاعده تحاسب كل الاطراف
اشكر مرورك ياخوي واتمنى دوم مشرفني في المدونة
kuwaiti_cool
منا ومنك صالح الاعمال ومن العايدين والفايزين يارب
واصبر بس راح تكتمل شلة المهرجين قريبا جدا اذا القاضي راضي
الغالي مدونة الكويت ثم الكويت
ياريت بس جذيه الريال ترى فاصل رسمي يعني عقل ماميش واتوقع حتى كتاب دين واحد موفاتح ومهذي مشكلتنا الاوزليه في الكويت كلن صار شيخ ويفتي ويتكلم في امور الدين والسبب اللحيه والدشداشه القصيره
والقيادات ياخوي لاهيه في تنمية الجيوب فقط مو فاضيه حق فتنه طائفيه بنفسهم يقولون خليها تحترق وتولي انا شلي فيهم باجر يتعبون ويسكتون !!!
اشكر مرورك الكريم ولاتطاقع ياخوي
علي إسماعيل الشطي
اللهم امين
تحياتي العطره
إرسال تعليق